Shpëtimi Idrizi i pranishëm në mbledhjen e KQZ tha se në të gjitha kutitë e Tiranës nuk ka përputhje të votave me procesverbalet.
Komisioni Qendror i Zgjedhjeve është mbledhur sot për të shqyrtuar kërkesën e PDIU dhe të PS për rinumërimin e votave në Tiranë.
Idrizi denoncoi shkeljet ligjore që kanë çuar në tjetërsimin e votës së PDIU ndërsa theksoi që këtë fakt e pranon edhe PS përmes ankimit që ka bërë.
“Dua tu falenderoj për transparencën. Ne jemi nisur jo vetëm nga numri i vogël i votave që janë 37 por për të bërë një trasparencë më të madhe të këtij procesi. Vullneti i 12 mijë zgjedhësve numk mund të rrëzohej me një të rënë të lapsit.
Kemi marrë zyrtarisht të gjitha pamjet filmike ku mungojnë 117 prej këtyre videove. Jo vetëm prej rezultatit të PDIU unë u sfidoj të gjithëve duke u thënë se në të gjitha kutitë e Tiranës nuk ka përputhje të votive në procesverbal. Votat e paligjshme janë ndarë mes subjekteve.
Në 90 për qind të qendrave të votimit që ne kontestojme PDIU vetëm në 10% të tyre ka pasur numërues. Në të gjitha qendrat e votimit që konteston PS, vetëm në 2 raste PDIU ka pasur numërues që i bie se nga njëra anë na kanë vjedhur votat, nga ana tjeter, edhe aty ku nuk kemi pasur numërues na kanë dhënë vota.
Rastet që ne kemi paraqitur bashkë me PS tregon që votat janë tjetërsuar dhe sa i përket procesit ne kemi qenë të gjithë bashkë në atë që dikush e ka quajtur tepsi”, tha Idrizi.
