Ish-kryeparlamentarja dhe ish-deputetja e Partisë Demokratike, Jozefina Topalli shprehet e alarmuar për mbetjen e vendit pa opozitë.
Ajo thotë se Basha pasi shkatërroi partinë duke e bërë të pësojë humbjen më të thellë, e ka marrë peng dhe nuk lëshon karrigen duke kërcënuar demokracinë.
Përmes një postimi në profilin e saj në rrjetin social Facebook, Topalli njofton se ia ka shprehur këtë shqetësim Dr. Joachim Pfieffer, zëdhënës i Grupit Parlamentar CDU/Csu në Bundestag për ekonominë dhe energjinë , dhe Elke Kreiser.
“Vendi pa opozitë! Me Dr. Joachim Pfieffer ( zëdhënës i Grupit Parlamentar CDU/Csu në Bundestag për ekonominë dhe energjinë , dhe Elke Kreiser)
Ata ishin njohur me rezultatin rrënuees të Opozitës me 25 qershor. Bashkëbiseduam për zhvillimet e fundit politike.
I njoha ata me kërcenimin që shfaqet pas rreth gati 3 dekadash, kur një kryetar partie ( i vetëshpallur i vetëngrirë), nuk lëshon karrigen, edhe pasi ka rrenuar partinë që drejtoi, me 230 mijë vota më pak , ose me një rënie rreth 35% më të thellë nga humbja e fundit, në kushtet e qeverisë më të keqe të Edi Ramës.
Unë shpreha shqetësimin e thellë për rrezikun e mbetjes së vendit edhe pa një opozitë të vërtetë, si gjëja më kërcënuese për një vend që ka jetuar 50 vite në diktaturë”, ka shkruar Topalli.
