Në lidhje me fushatën që po zhvillohet për zgjedhjet për kreun e PD-së, ka reaguar Astrit Patozi me një postim në facebook, ku akuzon Bashën se i bëri demokratët gazin e botës.
Postimi i plotë
Na ke bërë, realisht, gazin e botës. Sikur të mos mjaftonin talljet e fushatës me barcoleta tepsije dhe me çunin e mirë, që donte të pinte dy nëna apo loja me ngjyrat dhe simbolet tona.
Tani në lajme po shohim përditë drejtues dhe deputetë të Partisë Socialiste, që u marrin mendimin njerëzve, pasi u kanë marrë votat dhe kryetarin tonë, që u kërkon votën atyre, pasi u ka marrë mendimin.
A thua se ne kemi fituar dhe Edi Rama ka humbur në këto zgjedhje. Këtë, të paktën, mund t’ia kishe kursyer demokratëve Lulzim Basha!
