Koalicioni që doli fitues në zgjedhjet e 11 qershorit në Kosovë, PDK-AAK-Nisma vazhdon ta mbajë sekret emrin e kryeparlamentarit me arsyetimin se për momentin nuk e kanë prioritet.
Por nga kjo situatë duket se po përfitojnë serbët të cilët kanë synimin që të marrin postin e kreut të parlamentit duke e paralelizuar rastin me situatën në Maqedoni.
Ndërsa ende nuk është përcaktuar koalicioni qeverisës, zgjedhja e kryetarit të Kuvendit është hapi i parë që duhet të ndërmarrë Kosova para mandatimit të kryeministrit.
Sipas vendimit të Gjykatës Kushtetuese, me të cilin në vitin 2014 ishte rrëzuar Isa Mustafa nga kreu i Kuvendit, propozimi i kandidatit për këtë post i takon partisë apo koalicionit fitues.
PDK, AAK dhe Nisma vetëm pak orë para regjistrimit të tyre si koalicioni parazgjedhor zyrtarisht kishin thënë të jenë marrë vesh vetëm për postin e mandatarit të qeverisë, por jo për atë të kryeparlamentarit.
/Koha Ditore/
