Policia e Durrësit ka finalizuar operacionin e koduar “Streha” gjatë të cilit ka sekuestruar kokainë, municione luftarake, armë zjarri automatik, armë gjahu, pistoleta, krehëra, fishekë dhe një automjet.
Burime zyrtare nga policia e Durrësit bënë me dije se në kërkim është shpallur shtetasi me inciailet S. Gj., 43 vjeç, banues në Shijak.
Gjatë kontrollit të ushtruar në banesën e shtetasit të mësipërm, u gjetën dhe u sekuestruan në cilësinë e provave materiale:
- 4 qese të mbushura me një sasi pluhuri me ngjyrë të bardhë, e dyshuar me lëndë narkotike e llojit Kokainë, të futura në një kavanoz, rreth 150 gr.
- Një peshore elektronike me mbishkrimin “LAICA”
- Dy armë zjarri automatike, model 56, të kalibrit 7.62 mm
- Një armë zjarri pistoletë tip “COLT” USA
- Një armë gjahu e markës “BERETTA”, e kalibrit 12 mm;
- Një pistoletë sportive, tip “Super Conter”;
- 264 fishekë luftarakë model 56, të kalibrit 7.62 mm.
- 95 fishekë model 54, të kalibrit 7.62 mm
- 7 fishekë pistolete të kalibrit 45
- 65 fishekë për armë gjahu, të kalibrit 12 mm
- Dy krehëra automatiku, model 56
- Një automjet tip “Benz”, i blinduar.
