Kreu i LIBRA, Ben Blushi ka sqaruar se fotoja e tij me Lul Berishën ishte kurth i Partisë Socialiste.
I ftuar në emisionin “Opinion” të gazetarit Blendi Fevziu, Blushi tregoi faktet dhe provat që vërtetojnë që ai ka rënë në kurthin e Rilindjes, ndërsa po takonte qytetarët e Durrësit.
Ndërkohë që Blushi mohonte se e njihte si fytyrë ish të dënuarin e bandës së Durrësit për vrasje e krime të tjera të rënda, Lul Berisha ka dërguar një mesazh live në studio.
Lul Berisha i ka dërguar një mesazh moderatorit të emisionit, Blendi Fevziut, ku i shkruante: “Unë jam takuar edhe herë tjetër me Blushin, kur ai ka qenë ministër.”
Blushi ka mohuar se e njihte dhe e kishte takuar ndonjëherë Lul Berishën ndësra theksoi se kjo ishte e gjitha intriga nga zyra e shtypyt të PS-së për ta shpërndarë foton nëpër mediat e tjera.
