Policia greke ka bërë të mundur shkatërrimin e një rrjeti ndërkombëtar të trafikut të drogës.
Mësohet se janë arrestuar 25 persona, si dhe janë sekuestruar skafe, automjete dhe sasi të mëdha droge, ndërsa është gjetur edhe një plantacion i mbjellë me kanabis në zonën e Spartës.
Rrjeti përbëhej nga shtetas shqiptarë dhe grekë. Ata sillnin sasi të mëdha kanabisi nga Shqipëria dhe e trafikonin në Greqi, por edhe jashtë vendit, ku e çonin me skafe.
Operacioni nisi pas përgjimeve telefonike të bisedave të një punonjësi të policisë greke me pjesëtarët e tjerë të rrjetit. Policia arrestoi policin së bashku me të atin e tij.
Operacioni po zhvillohet në Athinë, në Spartë dhe në Prevezë.
