Policia e Vlorës ka arrestuar një 27 vjeçar të shpallur në kërkim për akuzën e kultivimit të lëndëve narkotike.
Në pranga u vu shtetasi Marjus Barjami, 27 vjeç, banues në Vlorë.
Gjykata ka caktuar masën arrest me burg për veprat penale “Grup i strukturuar kriminal” dhe “Kultivimi i bimëve narkotike”.
Në maj të 2016 u bë e mundur asgjësimi dhe sekuestrimi i bimëve dhe lëndëve narkotike në fshatrat Treblovë dhe Vezhdanisht si dhe u sekuestruan armë zjarri e fishekë. Në sajë të këtij operacioni u arrestuan 6 persona, ndërsa shtetasi Marjus Barjami u shpall në kërkim si një nga bashkëpunëtorët e këtij grupi.
