Policia e Tiranës ka arrestuar 3 persona pasi akuzohen se mashtronin duke bërë blerje me kartmonedha euro të falsifikuara.
Në kuadër të operacionit të koduar “Euro” në pranga kanë rënë shtetasit Kliton Nanushi 35 vjeç nga Tirana, Juljan Mehmeti 27 vjeç nga Përmeti dhe Kleart Kalemi 19 vjeç nga Tirana.
Policia dyshon se këta shtetas përreth dy muaj, në dyqane të ndryshme, pika karburanti dhe lokale në Qytetin e Tiranës dhe të Durrësit, bënin pagesa me kartmonedha të prerjeve 50 euro të dyshuara të fallsifikuara.
Gjatë arrestimit këtyre shtetasve u janë gjetur dhe sekuestruar 500 Euro, të dyshura të fallsifikuara, një armë e ftohtë thikë me palosje me mbishkrimet Stainless dhe tre aparate telefonike të markave të ndryshme.
