Mediat greke duket se janë të interesuara edhe për programet e partive shqiptare për zgjedhjet e qershorit.
Echedoros-a.gr është një ndër to, e cila komenton në faqet e gazetës së saj çdo fushatë të Partisë Drejtësi Integrim dhe Unitet. Kjo tregon se grekët i tremben sukseseve të kësaj partie në Shqipëri, e cila ka si synim plotësimin e interesave të shqiptarëve kudo që të jenë.
Në shkrimin e ditës së sotme, Echedoros-a.gr ka cituar një shkrim të portalit 27.al me titull “Ne do të kërkojmë zgjidhjen e çështjes çame në Parlamentit Europian dhe Kongresin Amerikan.”
“Çështja e Çamërisë ka marrë një dimension të ri. Tashmë, nuk është vetëm një agjendë kombëtare, por ndërkombëtare. Ne do të kërkojmë zgjidhjen e Çështjes Çame në Parlamentit Europian dhe Kongresin Amerikan”- janë fjalët e kryetarit të shoqatës Çamëria, Abaz Hado marrë nga shkrimi i 27.al.
