Emisioni radiofonik “Makinë me dy timonë” ka reaguar lidhur me deklaratat e ish ministrit të Brendshëm, Saimir Tahiri, i cili ka thënë: “Nuk ka makinë me 2 timonë, as qeveri me 2 timonë nuk mund të ketë.”
“Po ne që kemi nëntë vjet me makinë me dy timonë, bar hamë?”- kundërpërgjigjen çunat e Club FM.
Statusi i plotë i “Makinë me dy timonë”:
Deklaratë
Për dijeni të kryegjyshatës Botërore, ambasadorit japonez dhe ish-zëvendëskryeministrit Niko Peleshi
Ne, stafi i emisionit Makinë me dy timonë | Club FM (plot 113 – 111 vetë = 2 vetë) u mblodhëm në një mbledhje urgjente, sepse ndjehemi nën represionin e njërës prej tre partive në qeveri.
Sipas teledëgjuesit tonë të rregullt, Saimir Tahiri nuk paska makinë me dy timonë.
Po ne që kemi nëntë vjet me makinë me dy timonë bar hamë?
Po kështu kryeministri i qeverisë tre këndore (PD-PS-LSI) ka përsëritur këtë tezë, i kundërshtuar nga kundërshtari i tij në qeverisje, kreu i integristëve.
Kërkojmë nga shoqatat e medias, gazetarëve, grave, LGBT, gjuetarëve, fasonëve, call center-ave që të na dalin në mbrotje, sepse po na vjedhin patentën dhe alkolin e frenave.
Ju presim nga hëna në të premte në CLUB FM RADIO 100.4 MHz nga ora 15.00 deri në orën 18.00 për të qarë hallet dhe vajtuar dertet e popullit tonë trim.
