Brumi;
Në miell hedhim një lugë kripë, e përziejmë mirë, pastaj hedhim copa gjalpi të ftohtë nga frigoriferi, e përziejmë mirë me duar me miellin (ose me përziersin elektrik të brumit).
Hedhim një kokërr ose dy kokrra vezë (në varësi të masës së miellit që do të përgatisim) dhe vazhdojmë punojmë brumi duke i hedhur pak nga pak ujë të ftohtë, disa lugë ujë deri sa të lidhet brumi.
Në fund bëjmë duart me vaj ulliri që ta punojmë brumin, por do jetë i trashë jo i qullët si brumë byreku.
E mbështjellim me celefon e fusim në frigorifer për gjysëm ore ose më shumë.
Mbushja;
Spinaqin e skuqim pak me vaj ulliri, i hedhim gjize ose rikota dhe pak koper. (mund të bëjmë mbushje të tjera sipas dëshirës)
Pjekja;
Petën e shtron me kujdes me një okllai të trashë pa e nxjerrë nga celefonit. Vendosim poshte dhe lart celefon dhe e shtrojmë me kujdes deri sa të jetë jo më shumë se gjysëm centimetri e trashë. E shtrojmë në tavën e lyer me gjalp dhe e pjekim në furrë. Kur shikojmë që po merr pak ngjyrë pjekje e heqim dhe i hedhim mbushjen. Mbi të hedhim djath kaçkavall të grirë, mozarela të grirë (jo ai i bardhi me copa ne shellire, në Tiranë gjen një variant të me paketim me feta).
Mbrumi që del tepër nga anët e tavës e shtrojmë dhe një herë dhe presim në formë rripash për lart. Lyejmë me të verdhën e vezës pjesën e rripave dhe e pjekim prapë sa të marre ngjyrën e artë.
Ju bëftë mirë!
Shënim; Masat sipas dëshirës i vendos amvisa
