Rreth 15 mbështetës të PD-së, të cilët ishin të pranishëm në momentin që u bë hapja e fushatës elektorale, pas tubimit janë paraqitur në spital me simptoma e skuqjes së fytyrës dhe lotimit të syve.
Dyshohet se kjo anomali mund t’iu jetë shkaktuar nga ndonjë lëndë e përdorur gjatë tubimit, nga ushqimi, ose ndonjë alergji e mundshme. As spitali, as policia nuk kanë dhënë një përgjigje të plotë se për çfarë bëhet fjalë, por Policia ka marrë të gjitha masa për të saktësuar se çfarë iu shkaktoi këto simptoma simpatizantëve të PD-së.
Për ketë një grup ekspertësh të kriminalistikës kanë kryer kontrolle në Bulevard, për të zbuluar se nga se është shkaktuar ky fenomen.
