Prokuroria ka kërkuar 4 vjet burg dhe 5 vjet heqje e të drejtës për të ushtruar profesionin për gjyqtaren, Majlinda Andrea.
Majlinda Andrea është gjyqtarja e parë e Gjykatës së Lartë që hetohet për korrupsion, të paktën në këto 10 vitet e fundit.
Gjatë hetimeve në shtëpinë e bashkëshortëve Majlinda dhe Odhise Andrea u gjetën 50 mijë eurot që u paguan për vendimin e rikthimit të tokës në Butrint tek pronarët, të cilët gjithashtu janë në burg dhe presin dënimin për akuzën e korrupsionit aktiv. Provë tjetër e Prokurorisë kanë qenë përgjimet ambjentale dhe ato telefonike që i janë bërë bashkëshortit të saj, Odhise Andrea.
Gjykatësit do të marrin vendimin për ish-kolegen e tyre në 12 Qershor, ku të pandehur në seancë janë thirur gjyqtarja së bashku me bashkëshortin e saj.
