Ekspertët publikojnë raportin, rekamandojnë zgjedhjen me 84 vota të tre anëtarëve të Gjykatës Kushtetuese
Ekspertët e Komisionit të Venecias rekomandojnë të mos ndërpritet mandati i Prokurorit të Përgjithshëm, Adriatik Llalla. Komisioni i Venecias ka publikuar raportin final me opinionet për reformën në drejtësi. Sipas dokumentit të publikuar në faqen zyrtare të Komisionit të Venecias, janë renditur të gjitha opinionet e rekomanduara nga ekspertët e këtij komisioni. Për emërimin e anëtarëve të Gjykatës Kushtetuese ekspertët rekomandojnë zgjedhjen me 84 vota të tre anëtarëve të Gjykatës Kushtetuese që do të zgjidhen nga parlamenti.
“Nëse palët politike të përfshira në proces nuk bien dakord me një shumicë të caktuar të cilës për zgjedhjet në KLGJ, Këshillit të Lartë të Prokurorisë dhe Kolegjin e Posaçëm të Kualifikimit në Gjykatën e Lartë atëhere duhet të zgjidhet një sistem propocional që garanton që opozita të ketë përfaqësim në këto organe kolektive apo çdo model tjetër të përshtatshëm që garanton që opozita të ketë ndikim në procesin e përzgjedhjes”, thuhet në rekomandimet e Venecias.
Ekspertët nënvizojnë gjithashtu se drafti duhet të parashikojë mënyrën e emërimit të drejtuesit të Prokurorisë së Posaçme anti-korrupsion dhe mekanizmin e llogaridhënies për të. Në rapoprty theksohet gjithashtu se duhet të shihet roli i ministrit të drejtësisë në KLD dhe në raport me inspektorin e Përgjithshëm.
