“Të harruar nga shteti, të shtypur nga shefi”, “Prej 10 vitesh punëkërkues”, “Stop diskriminit në punë“-shkruhet në pankartat e dhjetra studentëve dhe punëtorëve në Elbasan të cilët po protestojnë me rastin e ditës ndërkombëtare të punëtorëve.
Lëvizja Rinore Egjiptiane dhe Rome në Elbasan organizoi sot një aktivitet sensibilizues në qëndër të qytetit. Familjarë dhe studentë të papunë iu bashkuan kësaj nisme duke bërë thirrje për më shumë punë dhe respektim të të drejtave të punëtorëve.
Çdo pankartë shprehte një mesazh për këtë ditë, ku një ndër to ishte edhe “Stop diskriminimit në punë”. Qytetarët pohojnë se edhe pse një ditë feste, për ta është një ditë për të kërkuar punë. Ata shpresojnë që zëri i tyre të dëgjohet dhe situata të ndryshojë disi.
