Pas deklaratave të kreut të opozitës Lulzim Basha se ka dijeni mbi vendodhje të kanabisit në Durrës dhe Lezhë ka reaguar Ministri i Brendshëm, Fatmir Xhafaj duke thënë se nga kontrollet e deritanishme të policisë nuk konfirmohen deklarimet e Bashës.
“Unë distancohem prerë nga këto insinuata të rreme ndaj personit tim. Une kam marr përsipër të gjithë përgjegjësinë ligjore për të përmbushur detyrën sipas ligjit, duke shprehur gatishmërinë nëse është e nevojshme edhe për të dhënë deklarimet sipas ligjit procedural penal”.
Xhafaj apelon Bashën dhë këdo tjetër që ka të dhëna të vlefshme, që ka dijeni për prova, fakte ose rrethana për vepra të tilla kriminale ti paraqesin ato në Prokurori si organi kushtetues, përgjegjës për hetimin e veprave penale.
Nga ana tjetër, Xhafaj shton se “përbaltjet e qëllimshme ndaj punës së njerëzve të ndershëm në rradhët e Policisë së Shtetit, deklarimet e papërgjegjshme që synojnë të shmangin angazhimin e saj nga përballja me objektivat reale të luftës kundër krimit krijojnë kosto financiare, fizike e morale për Policinë e Shtetit dhe nuk i shërbejnë stabilitetit të vendit”.
