Për akuzat e Bashës dhe Berishës ndaj disa diplomatëve të huaj ka reaguar ministri i Jashtëm Ditmir Bushati. Nga foltorja e Kuvendit, kreu i diplomacisë shqiptare tha se këto janë deklaratat më të turpshme në 27 vite demokraci.
“ Në fakt janë deklarata që shprehin qartë panikun që ka një pjesë e politikës shqiptare për një reformë, e cila jo vetëm do të përmirësojë mënyrën e funksionimit të institucioneve të së drejtës në Shqipëri, shpresojmë që do forcojë kredibilitetin e institucioneve, por mbi të gjitha do t’i krijojë mundësi Shqipërisë për të vazhduar rrugëtimin europian dhe për të hapur një kapitull të ri.
Ështe e çuditshme sesi vazhdohet me fletë-rrufe me shuma të majme 60-70-80 mijë euro që paguhen lobistë, shkrime. Për herë të parë në 27 vite kemi një fushatë të orkestruar ndaj ambasadorit të SHBA-së, ndaj përfaqësuesve të vendeve mike në Shqipëri”- u shpreh Bushati.
