“Çështja çame është çështje e të gjithë shqiptarëve, është çështje shqiptare”– kështu është shprehur senatori i së majtës shqiptare, Sabit Brokaj.
I ftuar në emisionionin “Fol me mua, fol me ata” të gazetarit Enkel Demi, Brokaj tha se PDIU është një parti me një funksion shumë të rëndësishëm që u dha guxim edhe politikanëve të tjerë që të flasin për çështjen Çame.
Ai vlerësoi rolin e PDIU-së dhe të kryetarit të kësaj partie, Shpëtim Idrizit për zgjidhjen e çështjes së shqiptarëvë të Çamërisë.
“Unë e shikoj PDIU-në një parti me një funksion shumë të rëndësishëm. Kjo parti ngacmoi guximin edhe të politikanë e të tjerë. U dha guxim. Bëmë dikur një rezolutë që u sabotua dhe unë pata konflikt.
Politika shqiptare kishte frikë të artikulonte një çështje si çështja came. Çështja çame nuk është vetëm çështje e Çamërisë por është çështje kombëtare.”– u shpreh Brokaj.
