Një aksident me pasojë vdekjen e një 71 vjeçari ka ndodhur mesditën e sotme në lagjen “15 Tetori”në Fier.
Policia bën me dije se shtetasi Sh.D, 49 vjeç, banues në Tiranë, duke drejtuar mjetin tip “Opel” me targë AA 425 IU, ka përplasur motorçikletën tip “Lonçin” me targë FR 466 C” e cila drejtohej nga shtetasi Rr.K, 71 vjeç, banues në Mbrostar. Si pasojë e aksidentit humbi jetën drejtuesi i motorçikletës 71 vjeçari me inicialet Rr.K.
Ndërkaq policia ka arrestuar shtetasin me iniciale Sh.D dhe po kryen veprimet për zbardhjen e plotë të shkaqeve të aksidentit.
