Ministri i Punëve të Brendshme, Fatmir Xhafaj deklaroi se vetting-u duhet që të zbatohet edhe në policinë e shtetit.
Duke folur nga Akademia e Policisë Xhafaj tha se i kemi shpallur “luftë” të hapur fenomenit të kanabisit. Sipas Xhafajt ndëshkime do ketë dhe për ata që nuk njoftojnë qoftë edhe për një rrënjë kanabisi, s’do bëjmë asnjë tolerim.
Më tej Xhafaj theksoi se qeveria është e vendosur që të bëjë shtet, ndërsa tha se policia e shtetit do të garantojë zgjedhje të lira dhe të ndershme.
“Zgjedhjet e 18 qershorit po afrojnë, ndaj duhet të sigurojmë një proces shembullor. Tashmë Policia e Shtetit prej kohësh ka dhënë kontributin e saj. Ne e kuptojmë rëndësinë etike që ka sjellja e Policisë së Shtetit, që duhet të ketë në procesin zgjedhor. Vullneti im dhe i qeverisë për të garantuar zgjedhje të lira dhe të ndershme edhe sa i përket veprimit të policisë së shtetit, është i plotë dhe i qartë” -u shpreh Xhafaj
