Revista prestigjoze Forbes e rendit Shqipërinë në vendin e 20-të në listën e 30 vendeve që ja vlejnë të vizitohen
Shqipëria, e cilësuar nga Forbes si destinacion i mrekullueshëm me kosto të ulët, nuk ofron vetëm mal dhe det për ata të cilët preferojnë të shpenzojnë pak, por në të vërtetë është edhe luks në miniaturë, pasi luksi është më i lirë në Shqipëri.
Turizmi në Shqipëri po rritet shumë shpejt. Italianët tani e shohin si një pikë referimi Shqipërinë jo vetëm për turizëm, por edhe për biznes apo për të jetuar. Arsyet janë të lehta për t’u shpjeguar: sipërmarrësit mund të përfitojnë nga krahu i lirë i punës dhe taksat e ulëta, studentët dhe pensionistët përfitojnë nga kosto e ulët e jetesës. Është vlerësuar se rreth njëzet mijë italianë jetojnë në vendin e shqiponjave, edhe pse ende nuk ka një shifër zyrtare, sepse shumë prej tyre nuk regjistrohen në Ambasadën.
Kostoja e jetës së luksit në Shqipëri është padyshim më e ulët dhe kjo ndodh për dy arsye. Së pari sepse Shqipëria është akoma në fazë ndërtimi dhe shumë vende turistike po ndërtohen aktualisht, të cilat pritet të kthehen në perlën e Adriatikut dhe Ballkanit. Së dyti, sepse pikërisht për këtë, sektori privat ka nisur të lancojë një fushatë me stimuj real dhe të implementojë programe risi për të parë herë në Shqipëri. Ky sektor po kryen investime tejet lukzoze në jug të vendit, të cilat shkojnë në vlerën e mbi 52 milionë eurove.
