Ambasadori amerikan Donald Lu ka takuar udhëheqësin e opozitës Lulzim Bashën në një takim informal pune në një restorant në zonën e ish-Bllokut.
Në qendër të bisedës së tyre duhet të ketë qenë reforma në drejtësi.
Opozita ka deklaruar se nuk do të kthehet në Kuvend as për të votuar ngritjen e organeve të vetting-ut deri kur të përmbushet kërkesa e saj për një qeveri teknike me mbështetje të gjerë politike për zgjedhjet.
Pozicioni i opozitës do të mësohet pasdite, pas një takimi të kreut demokrat Basha me drejtuesit e koalicionit opozitar.
