Gjatë një interviste me moderatorin Adi Krasta në Top Channel, Ramush Haradinaj ka përjashtuar çdo mundësi që vendimi i autoriteteve Franceze të mos jetë në favor për lirimin e tij. Duke folur për fletë arrestet e Serbisë Kreu i AAK-së tha se udhëheqësit e shtetit të Kosovës, për fat të keq, nuk e kanë forcuar Kosovën, por më shumë e kanë dobësuar atë.
Gjithashtu Haradinaj tha se kur të lirohet nuk do të donte pritje shtetërore nga ana e autoriteteve Kosovare, pasi sipas tij kjo është e panevojshme.
“Skenari më i keq në rastin tim ka ndodhur. Dëmi është shkaktuar, sepse jam ndaluar pa asnjë arsye e në bazë të fletarresteve pa asnjë fuqi juridike të Serbisë. Më shumë se kaq nuk mund të ndodhë. Unë do t’i kthehem Kosovës shpejt, sepse jam në të drejtën time. Unë kam zbatuar ligjet edhe të vendit tim edhe ato ndërkombëtare, e skam borxh ndaj Serbisë. Udhëheqësit e shtetit të Kosovës, për fat të keq, nuk e kanë forcuar Kosovën, por më shumë e kanë harxhuar atë. Kur të kthehem nuk dua pritje shtetërore. Kjo është e panevojshme. Mjafton të më presin Anita me fëmijët dhe qytetarët e vendit tim”, tha Haradinaj.
