Aleanca Kuqezi do t’i bashkohet protestës së 18 shkurtit e cila organizohet nga Partia Demokratike për të rrëzuar qeverinë e kryeministrit Rama.
Kryetari i Aleancës Kuq e Zi, Kreshnik Spahiu bën thirrje për numër sa më të madh pjesëmarësish në protestën e 18 shkurtit për të rrëzuar kryeministrin Edi Rama.
Spahiu tha gjithashtu se kjo protestë do të jetë vigjilja e fitores së opozitës në zgjedhjet e 18 qershorit të këtij viti.
Pjesëmarrës në këtë takim, kreu i grupit parlamentar demokrat, Edi Paloka tha se rezultati i vetëm i kësaj proteste do të jetë largimi i Edi Ramës. Paloka u shpreh që “…më 18 shkurt Shqipëria do të njëohë protestën më të madhe që ka njohur ndonjëherë. Protestën që do të ketë në fund një rezultat, dhe rezultati nuk mund të jetë tjetër veçse largimi i Ramës një orë e më parë nga pushteti.”
