Komisioneri europian, Johannes Hahn do të zhvillojë sot një vizitë zyrtare në Shkup.
Hahn do të marrë pjesë në punën e takimit ministror “të gjashtë ballkano-perëndimore”. Nga Brukseli, siç njofton Al-Jaazera, Hahn do të ketë takime bilaterale me përfaqësuesit e partive parlamentare në Maqedoni.
Nuk përjashtohet mundësia që ai të sjellë në Shkup propozimin për formimin e një koalicioni të gjerë qeverisës. Para disa javësh, bashkësia ndërkombëtare e ka porositur Shkupin disa herë se pret formimin e Qeverisë që do të ketë përkrahje të gjerë parlamentare.
