Një gol në fundin e pjesës së parë i Juan Cuadrado i dha Juventusit fitoren ndaj Interit në sfidën më të fortë dhe të shumpritur të kampionatit italian.
Në pjesën e parë Interi ishte më i pranishëm në fushë, megjithëse Juventusi goditi dy herë traversën.
Në pjesën e dytë Juventus e zotëroi shumë më mirë fushën, ndërsa pati një sërë rastesh për të thelluar rezultatin.
Megjithatë me këtë rezultat Juventus shkëputet nga ndjekësit dhe e nxjerr Interin jashtë lojës për titull.
Të mërkurën Juventus duhet të rekuperojë nje ndeshje të prapambetur ndaj Crotone.
