Halimi mazhorancës : 5 vite më parë e kërkuat deri në bojkot Avokatin e Popullit
Përzgjedhja e kandidaturës për Avokatin e Popullit ka sjellë debate të forta në mbledhje e sotme në Komisionin e Ligjeve mes mazhorancës dhe opozitës.
Deputeti i partisë demokratike Eduard Halimi duke theksuar rëndësinë që ka ky intitucion edhe në reformën në drejtësi tha që… “Avokati i Popullit nuk mund të jetë kurrë zgjedhje e kryeministrit”.
Halimi gjithashtu i tha deputetëve të mazhorancës që… “5 vite më parë e kërkuat deri në bojkot Avokatin e Popullit. Por sot Avokati i Popullit ka rol edhe më të zgjeruar, ka rol edhe në reformën në drejtësi. Dhe kjo ndërhyrje ka të bëjë me arrogancën e Ramës, nuk mund ta lejojmë”, tha ndër të tjera Halimi.
Pas drelaratave të Eduard Halimit, nga Komisioni i Ligjeve u larguan të gjithë deputetët e PD-së duke bojkotuar mbledhjen.
