Rama: Kërkesa e PD-së për votim elektronik alibi për humbjen e zgjedhjeve
Kryeministri Edi Rama tha se votimi dhe numërimi elektronik është një sajesë e re e PD-së për të ngritur një alibi për humbjen e zgjedhjeve të 18 qeshorit.
Gjatë komunikimit të tij javor Rama la të hapur mundësinë për implementimin e numërimit dhe votimit elektronik në këto zgjedhje nëse OSBE/ODIHR do të hartojnë një plan konkret bazuar mbi një eksperience të suksesshme .
“Na mjafton që OSBE/ODIHR të bëj një plan konkret për këtë votim dhe ne e pranojnë, nëse është e mbështetur në një eksperiencë të suksesshme”, u shpreh Rama.
Kreu i qeverisë deklaroi se kur PD-ja kur ishte në qeveri e kundërshtonte votimin elektronik, por tani e kërkon si çelës magjik duke parë që nuk ka asnjë shans për të fituar zgjedhjet.
Më tej kryeminstri u shpreh se PD-ja është një parti që nuk paraqet asnjë program për të ardhmen e Shqipërisë, dhe se vetë demokartët nuk besojnë tek lideri i tyre.
