Policia e Tiranës ka arrestuar një person i cili ka tentuar të korruptojë një efektive policie. Në pamjet filmike shihet qartë ku drejtuesi i mjetit është ndaluar për tre shkelje, por kur efektivja e policisë i kërkon dokumentin, ai i jep edhe një zarf me 3 mijë lekë.
Njoftimi zyrtarë
“Më datë 19.01.2017, në rrugën “Teodor Keko” shërbimet e Komisariatit Rajonal të Policisë Rrugore, bënë të mundur arrestimin në flagrancë të shtetasit E. R., 33 vjeç, banues Tiranë. Ky shtetas është konstatuar duke drejtuar automjetin e tij tip “Mercedes Benz”, duke komunikuar në aparat telefonik dhe pa vendosur rripin e sigurimit, si dhe nga verifikimi ka rezultuar debitor me 7 masa administrative të pa shlyera. Gjithashtu ka rezultuar pa dokumentacionin përkatës. Ky shtetas ka tentuar ti japë 3000 të reja, për ti’u shmangur masës administrative për shkeljet e konstatuara.”
