Bushati: Provokimet nuk i shërbejnë klimës së domosdoshme të bashkëpunimit rajonal.
Trenin me mbishmkrime nacionaliste i nisur nga Beogradi drejt Mitrovicës Ministri i Jashtëm Ditmir Bushati e ka cilësuar provokim destabilizues dhe fantazi teatrale të udheheqëses Serbe.
Në një postim në Facebook Bushati shkruan se promovimi me kokëfortësi i agresionit nga ana e Serbisë është krejt i papërgjegjshëm dhe nuk i shërben aspak klimës së domosdoshme të bashkëpunimit rajonal.
Më tej Bushati thotë se kërcënimet dhe tonet e larta duhet të ulen pasi rikthimi i trenit të së shkuarës nuk të shpie askund.
Postimi i plotë
Fillimi i 2017 nuk ka qenë i mbarë për Europën Juglindore. Provokimet destabilizuese dhe fantazitë teatrale të udhëheqësve të Serbisë janë irrituese dhe shumë larg pritshmërive për një vend kandidat, i porsa ulur në tryezën e negociatave për anëtarësim në BE.
Në përvjetorin e masakrës së kryer nga Serbia në#Reçak #Kosovë, promovimi me kokëfortësi i agresionit është krejt i papërgjegjshëm dhe nuk i shërben aspak klimës së domosdoshme të bashkëpunimit rajonal.
Kërcënimet dhe tonet e larta duhet të ulen pasi rikthimi i trenit të së shkuarës nuk të shpie askund”
