Presidenti në ikje i Shteteve të Bashkuara të Amerikës Barack Obama në fjalimin e tij të lamtumirës u ka bërë thirrje amerikanëve që të mbrojnë demokracinë e tyre si të ishin gardianë.
Në fjalimin e tij ai përshkroi tri kërcënime ndaj demokracisë amerikane pabarazinë ekonomike, ndarjet racore dhe tërheqjen e segmenteve të ndryshme të shoqërisë në “flluska”, ku mendimet nuk janë të bazuara tek faktet.
Githashtu Obama vlerësoi progresin që sipas tij është shënuar në dy mandatet që ai ka qeverisur, por theksoi se të gjitha arritjet kanë ardhur falë përkushimit të popullit amerikan.
“Me pothuajse çdo masë të marrë, Amerika është një vend më i mirë, e më i fortë nga ajo që ishte tetë vjet më parë. Kjo është diçka që e arritët ju. Ju ishit ndryshimi. Ju iu përgjigjët shpresave të qytetarëve. Dhe falë jush, Amerika është sot një vend më i mirë dhe më i fortë se në momentin që nisi gjithçka” tha Obama para mbështetësve në Çikago.
Gjithashtu Obama nuk la pa përmendur dhe pasardhësin e Donald Trump ku tha se mes tij dhe Presidentit të ardhshëm ka shumë ndasi në mendime.
Ndërsa në mbyllje të fjalimint lideri në ikje i Shtëpisë së Basrdhë ju kërkoi amerikanëve që të beosjnë tek aftësitë e tyrë për të sjellë ndryshimin .
“Unë ju kërkoj që ju të besoni. Jo në aftësinë time për të sjellë ndryshim – por në tuajat”.
