Në nisje të mbledhjes së fundit të asamblesë së PS për këtë vit, kryeministri Edi Rama tha se partia që ai drejton është në fillimet e një faze të re.
Rama tha mbyllja e këtij viti ndihmon të kuptojë sesa rrugë është bërë në këtë periudhë kohe pas nisjes nga një pikë halli. Rama krenohet se PS ka rritur mështetjen e saj nga 2013 dhe sipas tij njerëzit besojnë se PS do ta bëjë Shqipërinë shtet.
Rama: “Sot jemi në gjendje të rrisim rrogat dhe të spostojmë nga arka e shtetit në arkën e familjeve 100 mln dollarë në vit, ndërkohë që qeveria e mëparshme në 8 vjet spostoi 124 mln dollarë.
Ne qysh ditën e parë hoqëm nga supet e shtresës së mesme dhe të varfër barrën e taksës së sheshtë 10%. Me këtë lëvizje u dhamë 140 mln dollarë të tjerë atyre që paguajnë një taksë mbi rrogën.
Unë krenohem për PS që mbështetja popullore është më e madhe se në 2013 jo se ne kemi bërë Shqiëprinë fushë me lule, por sepse njerëëzit e kanë besimin se vetëm ne mund ta bëjmë Shqipërinë shtet dhe vetëm ne mund ta fusim Shqipërinë në një fazë të re.”
