Kryetari i Kuvendit, Ilir Meta i shoqëruar nga ministrja e Integrimit, Klajda Gjosha, po zhvillon një vizitë pune në Bruksel.
Sipasa një njoftimi për shtyp, Meta është pritur në Parlamentin Evropian nga nënkryetari i këtij institucioni, njëkohësisht kryetar i grupit “Miqtë e Shqipërisë”, David Sassoli.
“Mirënjohje Parlamentit Evropian dhe grupit “Miqtë e Shqipërisë” për mbështetjen ndaj integrimt. Ne mirëpresim vendimin e Këshillit Evropian dhe Kuvendi i Shqipërisë mbetet i fokusuar në plotësimin e rekomandimeve të Progres Raportit. E rëndësishme është të avancojmë perspektivën europiane të Ballkanit”, ka deklaruar Meta.
Nga ana e tij, Sassoli ka vlerësuar progresin e vendit tonë, duke thënë se Shqipëria është çelës stabiliteti në rajon.
