Nga Abedin Rakipi
Ministri grek i mbrojtjes ka paralajmëruar Ankaranë kundër rishikimit të Traktatit të Lozanës, e cila krijoi kufijtë mes dy vendeve në vitin 1923: “Greqia nuk dëshiron luftë, por nuk është gati të heqë dorë të drejtat e saj sovrane.”
Të mërkurën, Ministria greke e Mbrojtjes lëshoi një deklaratë që zoti Kamenos do të kishte mirëpritur ambasadorin e ri turk në Athinë, Halit Çevik. Megjithatë, nuk ka detaje të ndonjë “vizite mireseardhjeje” të ambasadorit te ri.
Në një takim me Halit Çevik, ambasadori i ri turk në Greqi, ministri grek i Mbrojtjes, Panos Kamenos ka paralajmëruar Ankaranë kundër përpjekjeve për të rishikuar kufijtë ekzistues të dy vendeve të përcaktuara në Traktatin e Lozanës të vitit 1923, ka cituar një burim i afërt me ministrinë: “Ne nuk duam luftë, Greqia është një vend i qetë, ne nuk kërkojmë konfrontim me askënd, por ne kurrë nuk do të braktisim të drejtat tona sovrane.”
Zyrtarisht, Ministria greke e Mbrojtjes as nuk konfirmon dhe as nuk e mohon këtë informacion. Traktati i Lozanës, nënshkruar në korrik të vitit 1923 mes Mbretërisë së Bashkuar, Francës, Italisë, Japonisë, Greqisë, Rumanisë, Jugosllavisë, nga njëra anë dhe Turqisë në anën tjetër ka krijuar kufinjtë e rinj të Turqisë duke shënuar kështu fundin e Perandorisë Osmane.
Në deklaratën e tij të fundit, presidenti turk Recep Tayyip Erdogan ka shprehur dëshirën për të rinegociuar marrëveshjen. Greqia, ndërkohë, vuri në dukje se kjo ishte hera e parë në historinë moderne që Turqia haptas vë në pikëpyetje Traktatin e Lozanës dhe kufijtë e vendosura midis dy vendeve.
/abedinrakipi.blogspot.al/
