Reshjet e dendura të ditëve të fundit kanë shkaktuar një sërë problemesh thuajse në të gjithë Shqipërinë.
Me kërkesë të Emergjencave Civile rreth 200 forca ushtarake së bashku me mjete të rënda janë dislokuar në Lezhë, duke punuar për rikthimin e normalitetit në shumë zona ku janë konstatuar probleme.
Shefi i Emergjencave Civile në Prefekturën e Lezhës, Ndrek Mhillaj thotë se ndërhyrje ka patur në argjinatura rrugë dhe ura të dëmtuara gjatë ditëve me reshje. Nga të dhënat e fundit mësohet se sipërfaqet e tokave të përmbytura janë reduktuar ndjeshëm si pasojë e ndërprerjeve të reshjeve gjatë ditës së diel.
