Një mbështetës i grupit terrorist ISIS, është dënuar me disa burgime të përjetshme nga një gjykatë në Nju Jork.
Sayfullo Saipov vrau tetë persona pasi i shkeli me kamionin e tij, këmbësorë dhe çiklistë në rrugët e Manhatanit më 2017. Ai u dënua me dhjetë burgime të përjetshme, plus 260 vjet burg, dhe nuk do të lirohet kurrë nga burgu.
Trupi gjykues tha se Saipov ka “shkatërruar shumë jetë”. Saipov nuk ka shfaqur pendesë gjatë gjykimit. Ai është përballur me familjarët e viktimave dhe të mbijetuarit në gjykatë dhe gjykatësi vuri në pah se i pandehuri ishte “absolutisht jo i penduar”. Saipov, shtetas uzbek 35 vjeç, përdori një kamion me qira për të kryer sulmin në Nju Jork më 2017.
Saipov pritet të vuajë dënimin në një burg të sigurisë së lartë në Kolorado, ku të burgosurit kalojnë deri në 23 orë në ditë të mbyllur në qelitë e tyre.
Pesë nga viktimat e Saipov ishin turistë nga Argjentia, një grua 31-vjeçare ishte nga Belgjika. Edhe dy shtetas amerikanë ishin në mesin e viktimave, ndërkaq 12 të tjerë u plagosën.
The post Nju Jork, terroristi dënohet me mbi 200 vite burgim appeared first on 27.
