Ka përfunduar dueli mes Al Nassr dhe Al Khaleej. Skuadra e kryeqytetit saudit, me kapiten Cristiano Ronaldon, nuk shkoi më shumë se një barazim një me një përballë klubit modest të udhëhequr nga sulmuesi nga Kavaja, Sokol Cikalleshi.
Takimi nisi në mënyrë të shkëlqyer nga miqtë, të cilët gjetën golin në minutën e katërt me anë të Fabio Martins. Avantazhi i klubit të sulmuesit shqiptar Cikalleshi, zgjati 13 minuta. Alvaro Gonzalez barazoi shifrat falë një goditje të shkëlqyer me kokë.
Pjesa e parë përfundoi në baraspeshë. Në pjesën e dytë, të dyja skuadrat kërkuan golin e fitores, por mungesa e saktësisë nga ana e sulmuesve, bëri që ky takim të mbyllej në paqe.
Si shkak i këtyre dy pikëve të humbura, Al Nassr humbet mundësinë për t’u afruar me kreun e renditjes, ndërsa Al Khaleej tashmë është tre pikë larg nga zona e rënies. /m.b /gijotina.com
The post “Paqe” në duelin mes CR7 dhe Cikalleshit appeared first on 27.
