Vetura më e shtrenjtë kineze quhet “Hongqi L5”. Ajo njihet edhe si “Rolls-Roysi kinez”. Edhe pse ka dizajn të vjetër, ajo për herë të parë u prezantua në vitin 2014, ndërsa së fundmi janë publikuar foto të modeleve të reja.
Është një lloj limuzine luksoze nga pamja, luksi dhe çmimi. Ecën në hap me limuzinat më ekskluzive në botë, ndërsa presidenti i Kinës, Xi Jinping, është promotori më i madh i këtij automjeti, të cilin e ka edhe si veturë zyrtare.
Në panairin e veturave të Shanghait, u prezantua një gjeneratë e re modelesh, por të cilat nuk dallohen nga modelet e kaluara.
Risia më e madhe vërehet në pjesën e përparme të veturës, e cila është zbukuruar me një maskë edhe më të madhe. Vetura synon klientë të zgjedhur nga shoqëria kineze. Sipas mediave kineze, modelet e reja do ta kenë një motor 4.0 V8 turbo. Çmimi i kësaj veture është rreth 800 mijë euro.
The post Ja si duket versioni më i ri i “Rolls-Royce kinez” appeared first on 27.
