Prokuroria e Shkodrës ka bllokuar nëntë pallate në Velipojë.
Hetimet që kanë çuar në këtë vendim janë kryer për ndërtime të paligjshme. Akuza po qëmton mbi mënyrën si janë ndërtuar këto ndërtesa, kurse nën hetim tashmë gjendet edhe ish-kreu i komunës.
Në qendër të hetimeve janë edhe anëtarët e KRT të Velipojës. Pallatet janë në zonën bregdetare, ku prej vitesh është kryer një masakër urbane.
Prokuroria ka ngritur akuzën shpërdorimi detyre për zyrtarët përgjegjës të Velipojës, po kështu ka njoftuar administratorin e kompanisë që po ndërton pallatet në fjalë.
