Partizani është ndaluar në një barazim 1-1 ndaj Flamurtarit të Vlorës, duke humbur një mundësi të mirë për t’u shkëputur tre pikë ndaj Skënderbeut, që luan nesër ndaj Kukësit.
Të kuqtë kanë bërë një pjesë të parë të dobët, ndërsa Flamurtari ka kaluar në avantazh me anë të Ylli Hoxhës falë një aksioni model.
Në pjesën e dytë vlonajtët mbeten me 10 lojtarë, pas daljes me karton të kuq të Bruno Telushit.
Pas kësaj, Partizani shton sulmet në kërkim të golit të barazimit, ndërsa vlonjatët vetëm mbrohen.
Përpjekjet e shumta për të kuqtë shpërblehen në minutën e 88, kur Xhevair Sukaj me portën boshë barazon rezultatin.
Por, edhe pas 8 minutave shtesë, të kuqtë nuk arrijnë dot të shënojnë golin e fitores.
Kjo, edhe për shkak të vonesave të shumta që kanë shkaktuar lojtarët e Flamurtarit.
Pikërisht vonesa e lojës nga vlonjatët, ka qenë gjëja më negative e një ndeshje shumë të luftuar.
