Deputeti i Partisë Demokratike, Arben Ristani në seancën e sotme parlamentare ka akuzuar shefin e Komisariatit të Lezhës Paulin Sterkaj se merret me trafik droge dhe prostitutash. Ristani është shprehur se ka një dokument zyrtar ku në të citohet jo vetëm emri i shefit të Komisariatit por edhe të tjerë që Ristani nuk ka dashur ti përmend.
Arben Ristani: “ Unë kam një dokument zyrtar me firmë dhe vulë që i drejtohej kryeministrit të asaj kohe Ilir Meta dhe ministrit të Brendshëm. Sipas këtij dokumenti thuhet që shefi i Komisariatit të policisë së Lezhës Paulin Sterkaj, merrej me trafik droge dhe prostitutash. Po e citoj dhe sdua të lexoj emrat e tjerë por është me firmë e me vulë. Merrej me trafik droge dhe prostuticion, me dokument”.
Deputeti i PD tha se një gjë të tillë e tregoi “për të ilustruar se cfarë ka mbledhur Aleanca e cila mori pushtetin duke rrëzuar Sali Berishën”
