Shoqëria civile ka nisur protestën para Kuvendit të Shqipërisë, kundër ligjit për importin e plehrave, i cili pritet të shqyrtohet dhe miratohet në seancën e sotme plenare.
Ativistë e shoqërisë civile janë përplasur me policinë pasi ata po tentonin të fusnin një nga kazanët e mbeturinave në kuvend. Protestuesit morën një nga kazanët që ndodhej pranë godinës së parlamentit.
Protesta ishte lançur disa ditë më parë nga aktivistë të shoqërisë civile.
Lidhur me ligjin, LSI ka propozuar një amendamet ku i jep akses shoqërisë civile të bëjë monitorimin në pikat doganore të caktuara për kontrollin dhe zhdoganimin e mbetjeve.
Megjithatë sërish shoqëria civile duket se është kundër rikthimit të këtij ligji. Ambjentalisti Lavdosh Feruni tha se do të shkojnë drejt referendumit për këtë çështje.
“Kjo është një protestë për të kundërshtuar fuqimisht miratimin e ligjit qe do ta kthente Shqiperise ne nje Kazan te Plehrave te Botes. Kjo nuk eshte beteje e nje grupi ambjentalistesh, por e te gjithe qytetareve shqiptare qe e duan Shqiperine te paster dhe te shendetshme per ta dhe brezat qe do vijne me pas. O sot o kurre! Nuk i duam plehrat, parlamentarët të reagojnë”.
