Maqedonia e Veriut dhe Shqipëria do të zhvillojnë këtë të hënë mbledhjen e përbashkët mes dy qeverive. Në këtë mbledhje do të nënshkruhen disa marrëveshjet.
Bashkëpunimet në fjalë e vënë theksin në fushën e sigurisë, në pikat kufitare, në shëndetësi, në tregti, në turizëm dhe në disa fusha të tjera.
Marrëveshjet kryesore që do firmosen:
Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për krijimin e task forcave të përbashkëta në fushën e sigurisë
Protokoll ndërmjet Ministrisë së Brendshme të Republikës së Shqipërisë dhe Ministrisë së Brendshme të Republikës së Maqedonisë së Veriut për implementimin e kontrollit të përbashkët kufitar në pikën e përbashkët të kalimit kufitar Qafë-thanë/Kjafasan.
Programi për bashkëpunim ndërmjet Ministrisë së Arsimit dhe Sportit të Republikës së Shqipërisë dhe Ministrisë së Arsimit dhe Shkencës së Republikës së Maqedonisë së Veriut në fushën e arsimit dhe shkencës për periudhën 2022-2025.
Lexo edhe: Alarmet për bomba në Shkup, Kovaçevski: Luftë hibride për të ngjallur frikë
Memorandumit të mirëkuptimit ndërmjet Republikës së Shqipërisë dhe Republikës së Maqedonisë së Veriut në fushën e transformimit digjital
Memorandumi bashkëpunimi ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Punës dhe Politikës Sociale të Republikës së Maqedonisë së Veriut për bashkëpunim në fushën e politikave sociale dhe mbrojtjes së fëmijëve.
Memorandum bashkëpunimi për njohjen e ndërsjellë për lehtësim të aktiviteteve te operatoreve turistik
Memorandum bashkëpunim për shkëmbimet tregtare.
