Një aksident i rëndë ka ndodhur mbrëmjen e së shtunës midis San Vendemiano dhe San Fior, në via Longhena të Italisë, jo shumë larg një mbikalimi. Sipas mediave vendase, dy makina, një Fiat Tipo dhe një Ford Focus, me shumë gjasa u përplasën për shkak të mungesës së përparësisë dhe një parakalimi të gabuar nga ana e të riut shqiptar.
Si pasojë e aksidentit ka ndërruar jetë Paolo De Poli, 61 vjeç, nga Azzano Decimo, i cili drejtonte Fiatin, ndërsa i plagosur ka mbetur drejtuesi i mjetit Fokus, një shtetas shqiptar 25 vjeç. Në vendngjarje kanë ndërhyrë operatorët e Suem 118, një patrullë e Karabinierëve të Conegliano, një patrullë e policisë rrugore për menaxhimin e qarkullimit dhe një automjet i zjarrfikësve.
