Sekretari i Përgjithshëm i Partisë Socialiste Damian Gjiknuri ka deklaruar se për forcën politike që përfaqëson nuk është një tragjedi nëse nuk dolën fitues të zgjedhjeve lokale në Shkodër.
I pyetur nga gazetarët se cfarë nuk shkon me të majtët e këtij qarku, Gjiknuri u shpreh se si parti përpiqen të bëjnë më të mirën, në mënyrë që Shkodra të drejtohet nga një socialist, por theksoi se në fund do e vendosin qytetarët.
Pyetje: Çfarë nuk shkon me PS në shkoder?
Gjiknuri: Jeta na mëson që njeriu duhet të vazhdojë të përpiqet të bëjë më të mirën, derisa qytetarët e Shkodrës ta kuptojnë që do të ishte më mirë për ta që të drejtohej nga një kryebashkiak socialist. Por në fund të fundit njerëzit bëjnë zgjedhjen e tyre, ne nuk duam të dominojmë çdo kënd. E rëndësishme është që PS të paraqesë alternativën e saj që ne besojmë është më e mira, por në fund e gjykojnë qytetarët. Nuk është tragjedi që nuk u fitua Shkodra, fatkeqësisht nuk më vjen mirë sepse mund të ishte më mirë për qytetarët e Shkodrës që të drejtohej nga socialistët.
