Resmina Isakaj është pronarja e farmacisë në Vlorë, e cila u dogj gjatë orëve të para të mëngjesit me lëndë djegëse. Si pasojë e djegies janë shkaktuar vetëm dëme materiale, ndërsa nuk dihen ende shkaqet e ngjarjes.
Burime nga policia bëjnë me dije se ngjarja ka ndodhur gjatë natës, në bulevardin “Ismail Qemali”. Të njëjtat burime gjithashtu bëjnë me dije se si pasojë e zjarrit subjekti privat “Farmaci” është djegur pjesërisht.
Kamerat e sigurisë kanë filmuar autorin i cili spërkat me lëndë djegëse dhe më pas i vë flakën pjesës ballore të farmacisë. Grupi hetimor po punon për zbardhjen e detajeve të ngjarjes dhe shkakut të rënies së zjarrit.
