Një 30- vjeçar në Fushë-Krujë, ka përfunduar pa ndjenja në spital pasi u përpoq të shuante flakët masive që kishin pushtuar tokën e mbjellë me vreshtat dhe ullinj. Zjarri i vënë në disa shkurre e ferra ka dalë nga kontrolli duke djegur disa mijëra metra katror vreshtë e ullishte në pronësi të familjes Emiri.
Familja ka ndërhyrë me mjete rrethanore për të shuar flakët, por një prej tyre, Hajri Emiri rreth 30 vjeç, është asfiksuar nga tymi dhe ka rënë pa ndjenja. Kanë qenë zjarrfikësit të cilët kanë ndërhyrë në kohë rekord për shuarjen e flakëve, ata të cilët kanë gjetur 3-vjeçarin pa ndjenja dhe i kanë dhënë ndihmën e parë.
30-vjeçari është marrë nga autoambulanca e qendrës shëndetësore Fushë-Kruje dhe është dërguar në spital ku fatmirësisht ndodhet jashtë rrezikut për jetën.
