Rastet e abuzimit dhe ngacmimit seksual në Kosovë po kapin shifra alarmante dhe shqetësuese. Vetëm një ditë më parë një tjetër video tronditëse u publikua ku një burrë shihej teksa ngacmonte seksualisht një vajzë të mitur. Rasti po hetohet për veprën penale “Ngacmim seksual” dhe po vijon punën hetimore për të sqaruar plotësisht rrethanat dhe identifikuar personat që qëndrojnë mbrapa këtyre pamjeve.
“Pas trajtimit preliminar të pamjeve të publikuara, policia me autorizimin e prokurorit të shtetit ka iniciuar një hetim për rastin “Ngacmim seksual” dhe po vijon punën hetimore për të sqaruar plotësisht rrethanat dhe identifikuar personat që qëndrojnë mbrapa këtyre pamjeve,”- thuhet në njoftimin e Policisë Rajonale të Prishtinës.
Video u publikua një natë më parë. Qytetari i cili në të njëjtën kohë xhiron me telefonin e tij, i drejtohet një fëmije, vajzë e vogël nga komuniteti rom, me fjalë të rënda. Në një video të publikuar në “Tiktok”, ai i drejtohet vajzës me fjalët “Hajde të q… të prishi. Hape gojën.” Vajza duket se nuk arrin të kuptojë fjalët, me të cilat i drejtohet dhe afrohet drejt tij.
