Policia e Fierit ka asgjësuar rreth 1880 bimë kanabis sativa. Lenda narkotike ishte mbjellë në zona të ndryshme në qarkun e Fierit. Konkretisht në vendin e quajtur Pylli i lumit, në fshatin Adë, u gjetën dhe u asgjësuan me djegie 1520 bimë; në vendin e quajtur “Çezma”, në fshatin Drenovë të Mallakastrës, u gjetën dhe u asgjësuan me djegie 15 bimë.
Në vendin e quajtur “Përroi i Madh” në fshatin Drenovë u gjetën dhe u asgjësuan me djegie 270 bimë kanabis.
Në kufirin ndarës të fshatrave Luar dhe Mbërës, Rroskovec, në një sipërfaqe të pyllëzuar, u gjetën dhe u asgjësuan me djegie 75 kanabis.
Policia bën me dije se po punon për identifikimin dhe kapjen e kultivuesve të bimëve narkotike.
